Full’r Burgers ළඟ එන උත්සව සමය වෙනුවෙන් Krispy Kringle, Grinch Grub සහ Mistletoe Munch ඇතුළත් ‘Festive Jingle Buns’ එකතුව හඳුන්වා දී තිබේ. සීමිත කාලයකට පමණක් ලබාගත හැකි Festive Jingle Buns එකතුව නිර්මාණය කර ඇත්තේ රස ලෝලී කාටත් සුපුරුදු ප්‍රණීත රසය සහ උසස් ප්‍රමිතිය සමග උත්සව සමයේ සතුට නොඅඩුව හිමි වන පරිද්දෙනි.
මේ අපූරු Festive Jingle Buns එකතුව රස බැලීමට පසුගියදා අපටද අවස්ථාව උදා විය. රස බැලූ සැණින් අපි එහි රසයට වසඟ වීමු. Gourmet හැඟීමක් ගෙනා Krispy Kringle, නත්තලේ අසිරිය සිහි කැඳවූ Grinch Grub මෙන්ම රසයෙන් අනූන Mistletoe Munch ද එක සේ රසවත් විය. Full’r Burgers හි සූපවේද කලාවට ආවේණික ලක්ෂණවලින් අනූන Festive Jingle Buns එකතුව කාගේත් සිත් දිනාගනු නිසැක ය.
මේ සඳහා වර්ණ ගැන්වූ buns යොදාගැනීම නිසා මෙහි විශේෂත්වය දෙගුණ වී තිබේ. රත් පැහැ Krispy Kringle සහ කොළ පැහැ Grinch Grub විශේෂයෙන්ම නත්තලේ සුපුරුදු ප්‍රීතිමත් වර්ණ රටා සිහිපත් කරයි. එයින් ඔබට ළමා කාලයේදී නත්තල් උදෑසනේ නො-ඉවසිල්ලෙන් යුතුව, තමන්ට ලැබුණු තෑගි මොනවාදැයි බැලූ දිනයන් සිහිපත් වීමටද ඉඩ තිබේ.
Full’r Burgers උත්සව සමය වෙනුවෙන්ම හඳුන්වා දුන් මේ Festive Jingle Buns එකතුව, පවුලේ අය සහ හිතමිතුරන් සමග එක් වී උත්සව සමයේ සතුට හා සැහැල්ලුව විඳිමින් රස බැලිය යුතුම buns එකතුවකි. ප්‍රධාන ආහාරවේලක් ලෙස මෙන්ම කෙටි ආහාරයක් ලෙස වුවත් රස විඳිය හැකි, ලොකු කුඩා කාගේත් රුචිකත්වයන්ට ගැළපෙන ප්‍රණීත ආහාරපාන එකතුවක් Full’r Burgers සතු ය.
‘Festive Jingle Buns’ යනු උත්සව සමය වෙනුවෙන්ම ඉතාමත් සැලකිල්ලෙන් යුතුව නිර්මාණය කරන ලද buns එකතුවක් බව Full’r Burgers කණ්ඩායම සමග කළ කතාබහේදී අපට වැටහිණි. Full’r Burgers කණ්ඩායම සෑම විටම තම සන්නාමය යටතේ පාරිභෝගිකයන්ට හොඳම දේවල් පමණක්ම ලබාදීමට සැලකිලිමත් වන බව එමගින් අපට නැවතත් තහවුරු විය.
මීට අමතරව උත්සව සමය වෙනුවෙන් සුවිශේෂී වට්ටම් හා දීමනා එකතුවක් පිරිනැමීමටද Full’r Burgers සූදානමින් සිටී. ඒ පිළිබඳ නවතම තොරතුරු ඔවුන්ගේ වෙබ් අඩවියේ සහ සමාජ මාධ්‍ය පිටුවල පළකෙරෙනු ඇත.
