අප්‍රිකානු කලාපය පුරා සයිබර් අපරාධ වැළැක්වීමේ ඒකාබද්ධ වැඩසටහනකදී එහි නීතිය ක්‍රියාත්මක කරන ආයතන වන INTERPOL සහ AFRIPOL සඳහා සහාය වීමට Kaspersky කටයුතු කරනු ලැබීය. “Serengeti,” ලෙස නම් කළ මෙම මෙහෙයුම මඟින් ransomware සොයා ගැනීම් සහ ව්‍යාපාරික ඊ මේල් වෙත එල්ල කළ ඇමරිකානු ඩොලර් මිලියන 193ක අලාභයක් සිදු කළ ප්‍රහාර වැනි සයිබර් අපරාධවලට සම්බන්ධ බවට සැක කෙරෙන පුද්ගලයින් 1,000කට අධික සංඛ්‍යාවක් අත්අඩංගුවට ගෙන ඇත.
මේ වන විට සීඝ්‍රයෙන් ඩිජිටල්කරණය වෙමින් පවතින අප්‍රිකානු කලාපය තුළ සයිබර් තර්ජනයන්ද ඉහළ යමින් පවතින බව නොරහසකි. තීරුණතාමක යටිතල පහසුකම්, මූල්‍ය ආයතන හා නිෂ්පාදන පහසුකම් ඉලක්ක කර ගනිමින් එල්ල කරන ප්‍රහාරයන් ලෙස ransomware ඉහළ ගොස් ඇත. Kaspersky දත්තවලට අනුව ransomware ප්‍රහාර හඳුනාගැනීම් 165,000 කට අධික වූ අතර ඊට පරිශීලකයින් හා සංවිධාන ඉලක්ක කරන අනෙකුත් සයිබර් තර්ජන අතර spyware සහ රහස්‍ය අංක සොරකම් කරන්නන් ඇතුළත් විය.
සැප්තැම්බර් 2 සිට ඔක්තෝබර් 31 දක්වා සිදු කරන ලද Serengeti මෙහෙයුම් 134,089ක් අතර කප්පම් මෘදුකාංග මෙහෙයුම්, BEC ප්‍රහාර, ඩිජිටල් කප්පම් සහ online වංචා ඇතුලු සයිබර් අපරාධ විය. මේ සියල්ල INTERPOL සහ AFRIPOL හි 2025 වත්කම් වාර්තාවෙහි ප්‍රධාන තර්ජන ලෙසද හඳුනාගෙන ඇත.
තර්ජනාත්මක ක්‍රියාකාරීන්, ransomware ප්‍රහාර පිළිබඳ දත්ත සහ කලාපය ඉලක්ක කරගත් අනිෂ්ට මෘදුකාංග පිළිබඳ තොරතුරු හා අනිෂ්ට යටිතල පහසුකම් සඳහා වන සම්මුතියේ යාවත්කාලීන දර්ශක බෙදා හැරීම තුලින් Kaspersky මෙම මෙහෙයුමට දායක වී ඇත. මෙම අනිෂ්ට මෘදුකාංග අතර සුප්‍රසිද්ධ Brazilian banking trojan Grandoreiro ද ඇති බව හඳුනාගෙන ඇති අතර පසුගියදා පැවති ආරක්ෂක සමුළුවකදී Kaspersky විසින් මෙම Brazilian banking trojan Grandoreiro පිළිබඳව නවතම සොයා ගැනීම් ප්‍රසිද්ධ කිරීමටද කටයුතු කරනු ලැබීය. LockBit, Rhysida සහ යනාදී අප්‍රිකානු සංවිධානයන් ඉලක්ක කරගත් ප්‍රහාරයන්ටද මෙම ransomware සබැඳීන් හේතු විය.
සයිබර් තර්ජනයන් පිළිබඳ සිදු කළ විමර්ශනවලදී ප්‍රහාරයට ලක්වූවන් 35,000ක් පමණ හඳුනා ගැනීමට හැකි වීමද විශේෂත්වයකි.
මෙම සහයෝගීතාව පිළිබඳව INTERPOL හි මහ ලේකම් Valdecy Urquiza අදහස් දක්වමින් සඳහන් කර සිටියේ මෙම වැටලීම් තුළින් පුද්ගලික හා මූල්‍ය දුෂ්කරතාවලින් අනාගත පරපුර ගලවා ගැනීමට හැකි වන බවයි.
AFRIPOL හි වැඩබලන විධායක අධ්‍යක්ෂ Ambassador Jalel Chelba මෙහිදී සඳහන් කළේ මෙම මෙහෙයුම තුළින් අප්‍රිකානු සංගමයේ සාමාජික රටවල නීතිය බලාත්මක කිරීම සඳහා සැලකිය යුතු වැඩපිළිවෙලක් ක්‍රියාත්මක කර ඇති බවයි.
Kaspersky හි ගෝලීය මහජන සම්බන්ධතා, උප සභාපති Yuliya Shlychkova ද මෙහිදී අදහස් දැක්වූ අතර ඇය පවසා සිටියේ “අප්‍රිකාව පුරා සයිබර් අපරාධ ප්‍රහාර වැළැක්වීම සඳහා හා ඒවාට එරෙහිව කටයුතු කිරීමට INTERPOL සහ AFRIPOL හි ප්‍රයත්නයට සහයෝගය ලබා දෙමින් මහද්වීපය තුළ සයිබර් ප්‍රහාරයවලට එරෙහි පරිසරයක් නිර්මාණය කිරීමට Kaspersky කැප වන බවයි.
