2024 ලෝක සූපවේදීන්ගේ දිනය සමරමින් Unilever Sri Lanka හි ආහාර සේවා සපයන ව්‍යාපාරය වන Unilever Food Solutions (UFS) විසින් පසුගියදා කොළඹ සිනමන් ග්‍රෑන්ඩ් පරිශ්‍රයේදී “Indulge in Future Menus” වැඩසටහන පැවැත්වූ අතර ඒ සඳහා සූපවේදී වෘත්තිකයන් 150 කට අධික පිරිසක් සහභාගී වූහ.
මෙම වැඩසටහන මූලික අරමුණු දෙකකින් සමන්විත විය. මෙහි ප්‍රමුඛතම අරමුණ වූයේ දේශීය මුළුතැන්ගෙය වෙත ගෝලීය දැනුම සහ නවෝත්පාදන ව්‍යාප්ත කිරීම තුළින් ශ්‍රී ලාංකේය සූපශාස්ත්‍ර කලාව දියුණු කිරීමට UFS සතු කැපවීම පෙන්නුම් කිරීම වන අතර ඒත් සමඟම අලුතින් නිපදවන ලද Knorr පිටි කළ පොල් කිරි වෙළඳපළට හඳුන්වාදීම ද මෙහිදී සිදු විය. එමෙන්ම ගෝලීය UFS ව්‍යාපාරය විසින් හඳුනාගත් “Future Menu” ජනගත කිරීමටද මෙය වේදිකාවක් විය.
Unilever Global Innovation Centre හි ප්‍රධාන නවෝත්පාදන සූපවේදී වන එවර්ට් වර්මැන්ඩෙල් මහතා උත්සවයේ ප්‍රධාන දේශකවරයා විය. “Future Menu” ප්‍රවණතා පිළිබඳ ප්‍රවීණ සූපවේදී වර්මැන්ඩෙල්ගේ දේශනය තුළින් ශ්‍රී ලංකාවේ සූපවේදීන් අභිප්‍රේරණය කළ හැකි ගෝලීය සූපශාස්ත්‍ර අංගයන් සහ නිර්මාණාත්මක ශිල්පීය ක්‍රම පිළිබඳ වටිනා අවබෝධයක් ලබා දුන්නේය.
ආගන්තුක සත්කාර අංශයේ කීර්තිමත් උපදේශකයෙකු සහ ජ්‍යෙෂ්ඨ කථිකාචාර්යවරයෙකු වන ප්‍රවීණ සූපවේදී සුදුසිංහ චන්ද්‍රසේන මහතා විසින් Knorr පිටිකළ පොල් කිරි පිළිබඳ සැසියක් පවත්වන ලදී. ශ්‍රී ලංකාවේ ආහාර පිසීමේ කලාවේ ප්‍රවීණයෙක් වන සූපවේදී චන්ද්‍රසේන මහතා මෙම නව නිෂ්පාදනය භාවිතා කරන ආකාරය පැහැදිලි කළේය. ඔහු විසින් නවීන සහ සාම්ප්‍රදායික යන විවිධ වූ කෑම වර්ග සඳහා මෙය භාවිතා කරන අයුරු පැහැදිලි කළ අතර ගෝලීය UFS හි සූපවේදීන්, Knorr පිටිකළ පොල් කිරි වල ප්‍රමිතිය සහ වටිනාකම පිළිබඳ පැමිණ සිටි පිරිසට අවබෝධ කරලීමට සිය සහයෝගය ලබා දුන්නේය.
Unilever Sri Lanka හි Marketing Director for Home Care & Nutrition, ඉමේෂිකා කාරියවසම් මහත්මිය සිය අදහස් දක්වමින් මෙම උත්සවය ශ්‍රී ලංකාවේ සූපශාස්ත්‍ර ක්ෂේත්‍රය නඟා සිටුවීමට ඔවුන්ගේ කැපවීම අවධාරණය කරන අතර නවෝත්පාදන දිරිමත් කිරීම සහ ගෝලීය තත්වය පිළිබඳ අවබෝධය ලබා දීමෙන්, විශිෂ්ට ආහාර අත්දැකීමක් ලබාදීමට සූපවේදීන් දිරිගන්වන බව ප්‍රකාශ කළාය. උසස් තත්වයේ නිෂ්පාදන සහ විශේෂඥ දැනුම සමඟින් සූපශාස්ත්‍ර වෘත්තිකයන්ට සහාය වෙමින්, ශ්‍රී ලාංකේය ආහාර ක්ෂේත්‍රය දියුණු කිරීම UFS හි අරමුණ වන බව ඇය තවදුරටත් ප්‍රකාශ කළාය.
Unilever Food Solutions (UFS) ශ්‍රී ලංකාවේ සූපශාස්ත්‍ර විශේෂඥයින්ට ඔවුන්ගේ මෙම සූපශාස්ත්‍ර නවෝත්පාදන ගමනට එක්වන ලෙස ආරාධනා කරයි. නවතම තොරතුරු දැන ගැනීමට www.instagram.com/ufsglobal/?hl=en යන Instagram සහ www.facebook.com/@UFSLK/ යන Facebook ගිණුම් වෙත පිවිසිය හැකිය.
