Wednesday, February 8, 2023
spot_imgspot_img
spot_imgspot_img
Homeව්‍යාපාරිකVisa විසින් 'Visa Fintech Initiative: Sri Lanka' දියත් කරයි

Visa විසින් ‘Visa Fintech Initiative: Sri Lanka’ දියත් කරයි

‘Visa Fintech Initiative: Sri Lanka’ – දේශීය මුල් හා තාක්ෂණික අංශයේ ව්යවසායන් (Fintech) ඩිජිටල් ගෙවීම් තාක්ෂණයන් තුළින් බලගැන්වීම උදෙසා ක්රියාත්මක කරන වැඩසටහනකි

ලොව ප්‍රධාන පෙළේ ඩිජිටල් ගෙවීම් පද්ධති හා සම්බන්ධ ආයතනයක් වන වීසා (Visa) විසින්, දේශීය මූල්‍ය හා තාක්ෂණික පද්ධතියේ නවෝත්පාදන සංවර්ධනය අරමුණු කර ගනිමින්, ‘Visa Fintech Initiative: Sri Lanka මුලපිරීම දියත් කර ඇත. Hatch හා එක්ව ක්‍රියාත්මක කරන මෙම වැඩසටහන හරහා, ඩිජිටල් ගෙවීම් ක්‍රම හා බැඳුණු අභියෝග විසඳීම සඳහා වන ගෙවීම් විසඳුම් ගොඩනැගීමට දේශීය ෆින්ටෙක් ව්‍යවසායන් බලගැන්වීම සිදු කරයි. රටේ වර්තමාන ආර්ථික හා සමාජීය තත්වයන් පිළිබඳ සැළකීමේදී ඉතා කාලෝචිත දියත් කිරීමක් වන Visa Fintech Initiative හරහා, දේශීය ව්‍යවසායන් ඩිජිටල් සේවාවන් සඳහා වැඩි වශයෙන් නැඹුරු කිරීමක්  අපේක්ෂා කරයි.

මේ පිළිබඳ අදහස් දක්වමින්,Visa හි ශ්‍රී ලංකාව සහ මාලදිවයින සඳහා ප්‍රධානි අවන්ති කොළඹගේ මහත්මිය මෙලෙස පවසා සිටියි. “දේශීය මූල්‍ය හා තාක්ෂණික ව්‍යවසායන් සවිබල ගැන්වීම අරමුණු කර ගනිමින් Visa Fintech මුලපිරීම දියත් කිරීමට හැකිවීම පිළිබඳ අප බෙහෙවින් සතුටට පත් වෙනවා. වර්තමානයේ බොහෝ පිරිස් ඩිජිටල් ගෙවීම් ක්‍රම සඳහා ප්‍රමුඛත්වයක් දී කටයුතු කරන නිසා, ඔවුන්ට වඩාත් පහසු, බාධාවකින් තොර අත්දැකීමක් ලබාදීම අපගේ ප්‍රමුඛ අරමුණක්. එම අරමුණ වෙත ගමන් කිරීමේ මාර්ගයේ තවත් සුවිශේෂී සංධිස්ථානයක් වශයෙන් මෙම මුලපිරීමේ දියත් කිරීම හඳුන්වන්න පුළුවන්. මෙම මුලපිරීම හරහා, දේශීය මුල්‍ය තාක්ෂණික ව්‍යාපාරයන් සඳහා Visa හි ක්ෂේත්‍ර ප්‍රවීණත්වය භාවිත කරමින්, වඩාත් දියුණු මට්ටමේ නිෂ්පාදන සහ සේවා හඳුන්වා දෙමින්, ඉහළ මට්ටමේ පරිශීලක අත්දැකීම් නිර්මාණය කිරීමට අවස්ථාව හිමි වෙනවා. දේශීය ගෙවීම් පද්ධතියේ සංවර්ධනය උදෙසා වඩාත් දියුණු විසඳුම් නිර්මාණය කිරීමට, මූල්‍ය තාක්ෂණික ව්‍යාපාර හා හවුල් වීමට අප බලාපොරොත්තුවෙන් සිටිනවා.”

Visa Fintech Initiative: Sri Lanka, දකුණු ආසියාව තුළ ක්‍රියාත්මක කරන තෙවන වැඩසටහන වේ.  Visa සහ Hatch එකට එක්ව ක්‍රියාත්මක කරන Visa Fintech මුලපිරීම 2022 සැප්තැම්බර් මස 6 වන දින ආරම්භ වීමට නියමිත අතර, මාර්ගගත වැඩසටහන් හෝ වෙබිනාර් ඔස්සේ මසක කාලයක් පුරාවට ක්‍රියාත්මක වනු ඇත. සැප්තැම්බර් මස 06, 09 සහ 15 දිනයන්හි පැවැත්වීමට සුදානම් කර ඇති මෙම වෙබිනාර් වැඩසටහන් මාලාව ඔස්සේ ඩිජිටල් ගෙවීම් වල වඩාත් වැදගත් අංශයන් කෙරෙහි වැඩි අවධානයක් යොමු කරන අතර, Visa හි විවිධ විසඳුම් තුළින් මූල්‍ය තාක්ෂණික ව්‍යාපාරයන් බලගැන්විය හැකි ආකාරයන් පිළිබඳ සාකච්චා සිදු කරයි. Visa හි තාක්‍ෂණය, ක්ෂේත්‍ර ප්‍රවීණත්වය උපයෝගී කර ගනිමින් දේශීය මූල්‍ය තාක්ෂණික ආරම්භක ව්‍යාපාර සඳහා සහාය වීම මෙම වැඩසටහනේ තවත් අරමුණකි.

Visa විසින් ඩිජිටල් බැංකු ඇතුලුව, ලොව පුරා විසිරුණු බොහෝ මූල්‍ය තාක්ෂණික ව්‍යාපාරයන් හා ආරම්භක ව්‍යවසායන් හා එක්ව කටයුතු කරයි.  ඔවුන් සවිබල ගැන්වීම උදෙසා වන, කාඩ්පත් වැඩසටහන් දියත් කිරීමට, ඔවුන්ගේ ගෙවීම් විසඳුම සහතික කිරීමට, නිවැරදි හවුල්කරුවන් සොයා ගැනීමට සහ නවෝත්පාදන දියත් කිරීම සඳහා වන Visa API නිර්මාණය කිරීමට ඔවුන්ට සහයෝගය ලබාදීමට Visa සක්‍රීයව දායක වේ. මෙම මුලපිරීම හරහා මූල්‍ය තාක්ෂණික ව්‍යාපාර සඳහා ප්‍රතිලාභ රැසක් හිමිවනු ඇත.

-Visa Fintech Fast Track වැඩසටහන – එය Visa සාමාජිකත්වය ලබා ගැනීම හා සම්බන්ධ පිරිවැය අවම කිරීමට, කඩිනම් සේවාවන් ලබා ගැනීමට සහ විශේෂඥ දැනුම ලබා ගැනීම සඳහා වර්ධන-අදියරේ මූල්‍ය තාක්ෂණික ව්‍යවසායන් සඳහා උපකාර කරයි.

  • Visa Ready සහතිකකරණ වැඩසටහන- Visa හි ගෝලීය ප්‍රමිතීන්ට අනුකූල වන ගෙවීම් විසඳුම් දියත් කිරීමට ආරම්භක ව්‍යවසායන් සඳහා හැකියාව ලබා දීම
  • Visa Development Platform APIs – Visa’s Developer Sandbox, අත්හදා බැලීමට සහ නව ගෙවීම් විසඳුම් නිර්මාණය කිරීමට අවස්ථාවක් සපයයි. එය දේශීය මූල්‍ය තාක්ෂණික සඳහා කර්මාන්ත-විශේෂිත සම්බන්ධවීම් සහ හවුල්කාර ජාල වෙත ප්‍රවේශය ලබා දෙනු ඇත.

මෙම මුලපිරීම හරහා, දේශීය මූල්‍ය තාක්ෂණික ව්‍යවසායන් හට, ලොව පුරා භාවිත කරන විශිෂ්ට ක්‍රම සහ භාවිතයන් මත පදනම්ව, තාක්ෂණික කුසලතා වර්ධනය කරගැනීම සඳහා Visa හි ප්‍රවීණත්වය සහ හැකියාවන් වෙත ප්‍රවේශ විය හැකිය. වෙනත් ප්‍රතිලාභ අතර, වාණිජ අවස්ථා ගවේෂණය කිරීමට අවස්ථාව හිමිවීම, Visa සමඟ එක්ව ගොඩනගන නිෂ්පාදන සහ විසඳුම් දියත් කිරීමේදී GTM (go to market) සහාය හිමිවීම, බැංකුකරණය, වැඩසටහන් කළමනාකරණය වැනි දේ සඳහා හිමිවන විශේෂ ප්‍රවේශය ඇතුලත් වේ.

වැඩිදුර විස්තර සඳහා  https://www.visa.com.lk/partner-with-us/info-for-partners/visa-fintech-initiative-sri-lanka.html වෙත පිවිසෙන්න. මේ සඳහා ලියාපදිංචි වීමට  https://www.visa.com.lk/campaign/VisaFintechInitiativeSriLanka2022/ ක්ලික් කරන්න.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments